Heritage
for future

Kulturelle Patrimoine & Bildung/Sensibiliséierung

Fir d’Opwäertung an den Erhalt vum kulturelle Patrimoine fir d’zukünfteg Generatioune sécherzestellen, drängt sech d’Iwwerliwwerung vum Wëssen a vum Know-how ronderëm de Patrimoine fërmlech op. Et geet drëm, déi Jonk ze responsabiliséieren, andeems een hinnen de kulturelle Patrimoine an d’Wäerter, déi doraus vermëttelt ginn, bewosst mécht, fir datt se sech fir d’Saach asetzen. An deem Sënn soll och déi net-formal Bildung agesat ginn an, méi allgemeng, soll eng Sensibiliséierung stattfanne fir déi Beruffer, déi dem Patrimoine déngen.

Kulturelle Patrimoine & nohalteg Entwécklung

Fir de Fortbestand vum kulturelle Patrimoine ze sécheren, musse säin Erhalt a seng Opwäertung a méi e breetgefächerte Projet vun nohalteger Entwécklung ageschriwwe ginn. Genee wéi déi natierlech Ëmwelt gëtt och de kulturelle Patrimoine wéi eng richteg, net-erneierbar Ressource verwalt, déi et gëllt an d’Entwécklung an d’nohalteg Gestioun vum Territoire anzeglidderen. D’Notioune vun Erëmbenotzen a vu Respekt vun der Ëmwelt, awer och d’Entwécklung vun nohaltegem Tourismus an d’Ervirhiewe vun de wirtschaftlechen Auswierkunge mussen Hand an Hand goe mam Schutz vum kulturelle Patrimoine.

Kulturelle Patrimoine & Technologie(n)

Ouni Zweiwel sinn déi nei Technologien am XXIe Joerhonnert e Vecteur fir gläichzäiteg den Erhalt an d’Vermëttlung vum kulturelle Patrimoine. Effektiv kënnen déi nei Technologien hire Bäitrag zum Erhalt op laang Siicht vu verschiddenen Typpe vu Patrimoine leeschten, jo, si suergen esouguer selwer fir e rezente Patrimoine, dee mat digitalem Ursprong. Gläichzäiteg sensibiliséieren si e breede Publikum, an dorënner virun allem déi Jonk, mat Technike wéi där vun der erweiderter oder virtueller Wierklechkeet fir d’Uleies vum kulturelle Patrimoine.